Parij Olimpiadasining boks bo‘yicha bronza medali sohibasi Nazim Kizaybay Qozog‘iston va O‘zbekiston bokschilarining Olimpiadadagi natijalari haqida gapirdi.
"Faqatgina bitta siklga asoslanib, Qozog‘iston va O‘zbekistonni taqqoslash xato. Avvalgi yillardagi natijalarni ham hisobga olish lozim. Qozog‘istonda hozir avlodlar almashinuvi bo‘lmoqda, yangi nomlar paydo bo‘lmoqda.
Bu bizning bo‘lajak chempionlar tajriba to‘playotgan payt. Shubhasiz, Los-Anjelesda bizni katta yutuqlar kutmoqda. O‘zbekiston esa hozir Olimpiada muvaffaqiyatlarining cho‘qqisida. Barcha taniqli sportchilar ikkinchi marotaba musobaqalarda qatnashishmoqda.
Biz ham bunday davrdan o‘tganmiz. Biz qo‘shnilarimizning muvaffaqiyatidan quvonishimiz kerak, ular sportni rivojlantirish uchun yuzaga kelgan imkoniyatlaridan muvaffaqiyatli foydalanishdi", - dedi Kizaybay.
