Londonning “Chelsi” klubi rahbariyati hujumchi o‘rinlari uchun to‘rtta variantni ko‘rib chiqmoqda. Bu haqda insayder Fabrisio Romano xabar berdi.
Manbaga ko‘ra, "ko‘klar" rahbarlari transfer oynasi tugaguniga qadar hujumchi pozisiyasini mustahkamlamoqchi. Ustuvor variant - "Napoli" hujumchisi Viktor Osimhen, qolgan nomzodlar hozircha oshkor etilmagan.
Bu yozda Londonning “Chelsi” jamoasi 12 nafar yangi futbolchini sotib oldi va ular uchun 270 million yevro sarfladi. 1-turda “ko‘klar” “Manchester Siti”ga 0:2 hisobida imkoniyatni boy berdi. 2-turda safarda "Vulverxempton"ni 6:2 hisobida mag‘lub etishdi. Ayni damda London jamoasi turnir jadvalida sakkizinchi o‘rinda bormoqda.
