Лондоннинг “Челси” клуби раҳбарияти ҳужумчи ўринлари учун тўртта вариантни кўриб чиқмоқда. Бу ҳақда инсайдер Фабрицио Романо хабар берди.
Манбага кўра, "кўклар" раҳбарлари трансфер ойнаси тугагунига қадар ҳужумчи позициясини мустаҳкамламоқчи. Устувор вариант - "Наполи" ҳужумчиси Виктор Осимҳен, қолган номзодлар ҳозирча ошкор этилмаган.
Бу ёзда Лондоннинг “Челси” жамоаси 12 нафар янги футболчини сотиб олди ва улар учун 270 миллион евро сарфлади. 1-турда “кўклар” “Манчестер Сити”га 0:2 ҳисобида имкониятни бой берди. 2-турда сафарда "Вулверхэмптон"ни 6:2 ҳисобида мағлуб этишди. Айни дамда Лондон жамоаси турнир жадвалида саккизинчи ўринда бормоқда.
