Londonning “Chelsi” klubining serbiyalik darvozaboni Jorje Petrovich Fransiyaning “Strasburg” klubiga bir yil muddatga ijaraga o‘tmoqda.
Bu haqda jurnalist Fabrisio Romano gapirdi. Shuningdek, darvozabon ijara muddati tugagach, “aristokratlar” lageriga qaytishi xabar qilingan.
Bir necha kun oldin OAVda Petrovich klubda qolib, maydonda o‘z imkoniyatini kutishni xohlagani uchun "Strasburg"ga o‘tishdan bosh tortgani haqida ma’lumot paydo bo‘ldi.
Serbiyalik darvozabon 23/24 mavsum boshlanishidan oldin 16 million yevro evaziga Amerikaning "Nyu-Englend" jamoasidan "Chelsi"ga o‘tgan edi. O‘tgan mavsumda u London klubi safida barcha musobaqalarda 31 ta o‘yinda maydonga tushdi. Darvozabonning “aristokratlar” bilan shartnomasi 2030-yilda yakuniga yetadi.
