Лондоннинг “Челси” клубининг сербиялик дарвозабони Жорже Петрович Франциянинг “Страцбург” клубига бир йил муддатга ижарага ўтмоқда.
Бу ҳақда журналист Фабрицио Романо гапирди. Шунингдек, дарвозабон ижара муддати тугагач, “аристократлар” лагерига қайтиши хабар қилинган.
Бир неча кун олдин ОАВда Петрович клубда қолиб, майдонда ўз имкониятини кутишни хоҳлагани учун "Страсбург"га ўтишдан бош тортгани ҳақида маълумот пайдо бўлди.
Сербиялик дарвозабон 23/24 мавсум бошланишидан олдин 16 миллион евро эвазига Американинг "Нью-Энгленд" жамоасидан "Челси"га ўтган эди. Ўтган мавсумда у Лондон клуби сафида барча мусобақаларда 31 та ўйинда майдонга тушди. Дарвозабоннинг “аристократлар” билан шартномаси 2030-йилда якунига етади.
