Belgiya terma jamoasi bosh murabbiyi Domeniko Tedesko Millatlar ligasi doirasida Fransiyaga qarshi o‘yin (0:2) yakunlarini sarhisob qildi.

"25 daqiqadan so‘ng biz o‘ynashni to‘xtatdik. Bizning hafsalamiz pir bo‘lishi normal holat. Bizda uchta imkoniyat bo‘ldi, ulardan biri gol urish uchun yaqqol imkoniyat edi, ammo bu bizda anchadan beri muammo bo‘lmoqda. Biz boshida shiddatli edik, keyin biroz ustunlikni boy berib qo‘ydik. Fransiya haqida gapirganda, ulardagi o‘yinchilarni ko‘rishingiz mumkin, bu farq qiladi. Yarim himoyadagi o‘yinchilar to‘pni yutib, oldinga chiqib olishlari mumkin. Bugun ularning saviyasi yuqoriroq edi", - dedi Tedesko UYEFA rasmiy saytiga.

Jamoalar oktyabr oyida Millatlar ligasidagi navbatdagi uchrashuvlarini o‘tkazishadi.