Бельгия терма жамоаси бош мураббийи Доменико Тедеско Миллатлар лигаси доирасида Францияга қарши ўйин (0:2) якунларини сарҳисоб қилди.

"25 дақиқадан сўнг биз ўйнашни тўхтатдик. Бизнинг ҳафсаламиз пир бўлиши нормал ҳолат. Бизда учта имконият бўлди, улардан бири гол уриш учун яққол имконият эди, аммо бу бизда анчадан бери муаммо бўлмоқда. Биз бошида шиддатли эдик, кейин бироз устунликни бой бериб қўйдик. Франция ҳақида гапирганда, улардаги ўйинчиларни кўришингиз мумкин, бу фарқ қилади. Ярим ҳимоядаги ўйинчилар тўпни ютиб, олдинга чиқиб олишлари мумкин. Бугун уларнинг савияси юқорироқ эди", - деди Тедеско УЕФА расмий сайтига.

Жамоалар октябрь ойида Миллатлар лигасидаги навбатдаги учрашувларини ўтказишади.