"Real" hujumchisi Endrik klubdagi ilk oylaridayoq ijobiy taassurot qoldirdi.
Braziliyalik futbolchi iyul oyida "Palmeyras"dan "Los Blankos" safiga qo‘shilgandi. 18 yoshli futbolchi Karlo Anchelotti jamoasida o‘tkazilgan beshta o‘yinda ikkita gol urdi. Hujumchi yaqinda afsonaviy Raulga tegishli bo‘lgan klub rekordini yangilab, Chempionlar ligasidagi eng yosh gol muallifiga aylandi.
Insayder Fabrisio Romanoning so‘zlariga ko‘ra, "Real" Endrikdan juda mamnun. Gap nafaqat o‘yin, balki vunderkindning mashg‘ulotlardagi har kuni mehnati, o‘zini tutishi haqida ham. Qayd etilishicha, yangi kelgan futbolchi osonlik bilan moslashib ketgan va jamoadoshlari bilan darhol til topishib ketgan.
