"Реал" ҳужумчиси Эндрик клубдаги илк ойларидаёқ ижобий таассурот қолдирди.

Бразилиялик футболчи июль ойида "Палмейрас"дан "Лос Бланкос" сафига қўшилганди. 18 ёшли футболчи Карло Анчелотти жамоасида ўтказилган бешта ўйинда иккита гол урди. Ҳужумчи яқинда афсонавий Раулга тегишли бўлган клуб рекордини янгилаб, Чемпионлар лигасидаги энг ёш гол муаллифига айланди.

Инсайдер Фабрицио Романонинг сўзларига кўра, "Реал" Эндрикдан жуда мамнун. Гап нафақат ўйин, балки вундеркинднинг машғулотлардаги ҳар куни меҳнати, ўзини тутиши ҳақида ҳам. Қайд этилишича, янги келган футболчи осонлик билан мослашиб кетган ва жамоадошлари билан дарҳол тил топишиб кетган.