"Liverpul" "Sevilya"ning 24 yoshli markaziy himoyachisi Luaku Badega jiddiy qiziqish bildirmoqda, ingliz klubi uni 33 yoshli Virjil van Deykning o‘rinbosari sifatida ko‘rmoqda.

Manbaga ko‘ra, fransiyalik futbolchining shartnomasi 60 million yevro qilib belgilangan, biroq ispan klubi Badeni "sezilarli darajada arzonroq" sotishi mumkinligi ta’kidlangan.

Joriy mavsumda Bade barcha turnirlarda to‘rtta o‘yinda qatnashdi, ammo u samarali natija bermadi. Futbolchining klub bilan tuzilgan mehnat shartnomasi 2029 yilning yoziga qadar amal qiladi.