La Liga Vinisiusga qarshi harakat tashabbuskorlarini hibsga olishni talab qilmoqda.
Avvalroq, "Atletiko Madrid" muxlislari Vinisiusni haqorat qilish uchun "Real" bilan derbiga niqob taqib borishi haqida xabarlar tarqalgandi.
“La Liga irqchilik harakatlarini targ‘ib qilishga qaratilgan nafrat kampaniyasini qo‘zg‘atuvchilarni rasman qoralash va zudlik bilan hibsga olishni talab qiladi. Ushbu kampaniya Jinoyat kodeksida aniq belgilangan nafrat nutqi jinoyatini tashkil etadi.
La Liga bevosita yoki bilvosita ma’lum bir shaxsga, bu holda Vinisiusga nisbatan nafratni qo‘zg‘atuvchi, targ‘ib qiluvchi va uning irqi asosidagi bu harakatlarni keskin qoralaydi.
La Liga hech qanday sharoitda bunday xatti-harakatlarga toqat qilmaydi. Bu harakatlar nafaqat sport va mamlakatimiz imidjiga putur yetkazadi, balki barcha muxlislarning farovonligiga bevosita tahdid soladi", — deyiladi liga xabarida.
"Atletiko" 29 sentyabr kuni "Metropolitano"da "Real"ni qabul qiladi.
