Ла Лига Винисиусга қарши ҳаракат ташаббускорларини ҳибсга олишни талаб қилмоқда.
Аввалроқ, "Атлетико Мадрид" мухлислари Винисиусни ҳақорат қилиш учун "Реал" билан дербига ниқоб тақиб бориши ҳақида хабарлар тарқалганди.
“Ла Лига ирқчилик ҳаракатларини тарғиб қилишга қаратилган нафрат кампаниясини қўзғатувчиларни расман қоралаш ва зудлик билан ҳибсга олишни талаб қилади. Ушбу кампания Жиноят кодексида аниқ белгиланган нафрат нутқи жиноятини ташкил этади.
Ла Лига бевосита ёки билвосита маълум бир шахсга, бу ҳолда Винисиусга нисбатан нафратни қўзғатувчи, тарғиб қилувчи ва унинг ирқи асосидаги бу ҳаракатларни кескин қоралайди.
Ла Лига ҳеч қандай шароитда бундай хатти-ҳаракатларга тоқат қилмайди. Бу ҳаракатлар нафақат спорт ва мамлакатимиз имиджига путур етказади, балки барча мухлисларнинг фаровонлигига бевосита таҳдид солади", — дейилади лига хабарида.
"Атлетико" 29 сентябрь куни "Метрополитано"да "Реал"ни қабул қилади.
