"PSJ" bosh murabbiyi Luis Enrike joriy mavsumda jamoasini tark etishi mumkin. Jurnalist Mohamed Tubashning xabariga ko‘ra, ispaniyalik mutaxassis joriy mavsumni yakunlamasligi ehtimoli bor.
Enrike yaqinda parijliklar mag‘lub bo‘lgan (0:2) Londonning "Arsenal" jamoasiga qarshi Chempionlar ligasining so‘nggi o‘yinida qaydnomadan chetlatilgan hujumchi Usmon Dembele bilan janjallashib qolgan edi.
O‘tgan mavsumda Enrike “PSJ”ga chempionat va Fransiya kubogini yutishiga yordam berdi. Jamoa Chempionlar ligasining yarim finaliga qadar ham yetib borgan va u yerda Dortmundning “Borussiya” jamoasiga imkoniyatni boy bergandi.
