Italiya chempionati 7-turida “Fiorentina” “Milan”ni mag‘lub etdi va bu o‘yindagi birinchi golni avvalroq “Milan” safida to‘p tepgan futbolchi Yasin Adli kiritdi.
O‘yindan so‘ng fransiyalik futbolchi aynan “Milan”ga bo‘lgan hurmati tufayli o‘z golini nishonlashni istamaganini ta’kidladi.
"Men "Milan"ni yaxshi ko‘rardim, shuning uchun golni nishonlamadim. Klubga hurmatim tufayli. Uning o‘yinchilari mening ukalarim edi, muxlislar meni yaxshi ko‘rishardi.
Men uchun esa bu o‘yin o‘ziga xos bo‘ldi", - dedi Adli.
