“Ipsvich” himoyachisi Aksel Tuanzebe idish yuvayotganda barmog‘ini jiddiy jarohatlab oldi. Daily Mail xabariga ko‘ra, "Manchester Yunayted" akademiyasi bitiruvchisi shisha sinig‘idan qattiq jarohat olgan.
26 yoshli Tuanzebe bosh barmog‘ini yo‘qotishi mumkin edi, ammo shifokorlar barmoqni saqlab qolishga muvaffaq bo‘lishdi. 2024/2025 yilgi mavsumda Tuanzebe "Ipsvich" safida oltita o‘yin o‘tkazdi.
Ayni vaqtda "Ipsvich" Angliya Premyer-ligasi turnir jadvalida 17-o‘rinda bormoqda. O‘tgan yetti turda jamoa atigi to‘rt ochkoni qo‘lga kirita oldi.