"Barselona" "Kamp Nou"ni rekonstruksiya qilish ishlarining borishi haqida xabar berdi. Klub direktorlar kengashi a’zosi Elena Fort jurnalistlar bilan suhbatlashdi.
"Klub yil oxirigacha "Kamp Nou"ga qaytish ustida ishlamoqda, biroq asl rejalarga ta’sir qilishi mumkin bo‘lgan omillar mavjud. Shunga qaramay, biz 2024 yil oxirigacha stadion o‘yinlarni o‘tkazishga tayyor bo‘lishini ta’minlash uchun har soatda ishlaymiz.
Lekin men aniq sanani aytmoqchi emasman. "Kamp Nou"ga qaytish aniq sanalar haqida emas, balki shartlar haqida. Biz hozir to‘g‘ri yo‘ldamiz, barcha muddatlarni bajaramiz. Ishlarning yakunlanishi prognozi quyidagicha: 2026 yilning yozida "Kamp Nou"ni rekonstruksiya qilish ishlari yuz foizga yakunlanadi".
Kataloniyaliklar bu mavsumda albatta "Kamp Nou"da o‘ynashadi, ammo stadionning faqat bir qismi muxlislar uchun ochiq bo‘ladi. Fort ma’lumotlariga ko‘ra, qurilish ishlari yakunlangunga qadar "Barsa"ning uy arenasida 62 000 ga yaqin o‘rindiqlar mavjud.
Bu mavsumda "Barsa" muxlislari "Kamp Nou"ga abonement uchun qancha to‘lashlari ma’lum. Narx arenaning sektoriga bog‘liq bo‘ladi.
"Barsa"ning "Kamp Nou"ga qaytishdan olgan daromadi 240 million yevroni tashkil qiladi.
