«PSJ» hujumchisi Ferran Torres joriy mavsumda Chempionlar ligasida g‘oliblik uchun asosiy da’vogar deb hisoblayotgan jamoalarni aytdi.

Chorshanba kuni parijliklar umumiy bosqichning birinchi turida o‘z maydonida «Slovan»ni 6:1 hisobida mag‘lub etdi. Torres ushbu uchrashuvda xet-trik qayd etdi.

O‘yindan keyingi intervyuda jurnalist Ferrandan «Barselona»ning turnirda g‘olib bo‘lish imkoniyatlarini baholashni so‘radi.

«Barsa» — Chempionlar ligasining favoritlaridan biri. «Real» ham da’vogar, «Bavariya» ham. Biz ham shular qatoridamiz. Kurash juda keskin bo‘ladi», — dedi ispaniyalik hujumchi.

Torres o‘tgan yozda «Barselona»dan «PSJ»ga ko‘chib o‘tgan. O‘tgan mavsumda «Barselona» Chempionlar ligasining chorak finalida turnirni tark etgan, parijliklar esa ketma-ket ikkinchi marta musobaqa g‘olibiga aylangan.