Myunxenning "Bavariya" klubi va Germaniya terma jamoasi yarim himoyachisi Joshua Kimmix tig‘iz o‘yin taqvimi uni qo‘rqitmasligini tan oldi.
Ko‘plab futbolchilar o‘yin yuklamalarini kamaytirish tarafdori, ammo 29 yoshli Bundestim sardori bu borada biroz boshqacha fikrda.
"Bu mashhur bo‘lmagan fikr bo‘lishi mumkin, lekin men doimo o‘ynashni yaxshi ko‘raman, juda ko‘p o‘yin o‘ynashni yaxshi ko‘raman. Millatlar ligasi o‘yinlarini intiqlik bilan kutyapman. Futbolda jarohatlar doim bo‘lgan. Jamoalar ro‘yxati kengaytirilmoqda va endi beshta almashtirishga ruxsat berildi.
Men oddiy jadvaldan ko‘ra "ingliz" haftasini afzal ko‘raman, maydonda bo‘lish har doim qiziqarliroq. Kamroq o‘yinlar bilan jarohatlar kamroq bo‘ladimi, bilmayman, chunki ko‘plab jiddiy jarohatlar baxtsiz hodisaning natijasidir. Mushaklarning shikastlanishi, albatta, stress bilan bog‘liq bo‘lsa ham", - deydi Kimmix.
