"Barselona" hujumchisi Robert Levandovski Portugaliya terma jamoasining yulduz futbolchisi Krishtianu Ronaldu haqida gapirdi.
"Men Krishtianu Ronaldu faoliyati davomida nimalarga erishganini va o‘z rekordlari bilan futbol tarixiga qanday ta’sir qilganini to‘liq bilaman. Bu albatta futbol tarixida qoladi. 39 yoshda, qariyb 40 yoshda ham u aql bovar qilmaydigan ambisiyani namoyon etmoqda", - deydi Levandovski.
Krishtianu Ronalduning "An-Nasr" bilan amaldagi shartnomasi 2025 yilning o‘rtalariga qadar mo‘ljallangan. Matbuotda portugaliyalik futbolchining mehnat shartnomasini yana bir mavsumga uzaytirishi haqida ma’lumot paydo bo‘ldi.
