«Manchester Siti»ning sobiq yarim himoyachisi Bernardu Silva «Barselona» bilan transfer borasida kelishuvga erishgan edi. Kataloniya klubida portugaliyalik futbolchi «maqbul» miqdordagi maosh olishi kutilgan.
Biroq «ko‘k-anorranglilar» 31 yoshli futbolchiga asosiy tarkibdan doimiy joy kafolatlanmasligini ma’lum qilgan. Bu haqda El Chiringuito jurnalisti Xose Alvares Gayya o‘zining X ijtimoiy tarmog‘idagi sahifasida xabar berdi.
Manbaga ko‘ra, hatto boshqa klublar Bernarduni o‘z safiga qo‘shib olishga uringan taqdirda ham, «Barselona» o‘z pozisiyasini o‘zgartirish niyatida bo‘lmagan. Chunki klub rahbariyati yarim himoya chizig‘idagi tarkib yetarlicha shakllangan deb hisoblagan.
Avvalroq ommaviy axborot vositalari Bernardu Silva Madridning «Real» klubi taklifini qabul qilgani va «qaymoqranglilar» safiga erkin agent sifatida qo‘shilishini xabar qilgan edi.













