Dam olish kunlarida “Liverpul” APL doirasida “Kristal Pelas”ga qarshi safarda maydonga tushdi va minimal 1:0 hisobida g‘alaba qozondi. Mersisaydliklar uchun eng og‘ir vaziyat darvozabon Alissonning jarohati bo‘ldi, shu sababli braziliyalik futbolchini almashtirish kerak edi.
The Times nashrining yozishicha, Alissonning tuzalishi tez kechmaydi. Braziliyalik darvozabon noyabr oyidagina terma jamoa o‘yinlari uchun tanaffusdan so‘ng safga qaytadi.
Oldinroq "Liverpul" Giorgi Mamardashvilining transferini tezlashtirishi mumkinligi haqida xabarlar tarqalgan edi. “Liverpul” ayni damda Angliya chempionati turnir jadvalida birinchi o‘rinni egallab turibdi. Yetti turda Arne Slot shogirdlari 18 ochko jamg‘ardi.
