Дам олиш кунларида “Ливерпуль” АПЛ доирасида “Кристал Пэлас”га қарши сафарда майдонга тушди ва минимал 1:0 ҳисобида ғалаба қозонди. Мерсисайдликлар учун энг оғир вазият дарвозабон Алиссоннинг жароҳати бўлди, шу сабабли бразилиялик футболчини алмаштириш керак эди.
Тhe Times нашрининг ёзишича, Алиссоннинг тузалиши тез кечмайди. Бразилиялик дарвозабон ноябрь ойидагина терма жамоа ўйинлари учун танаффусдан сўнг сафга қайтади.
Олдинроқ "Ливерпуль" Гиорги Мамардашвилининг трансферини тезлаштириши мумкинлиги ҳақида хабарлар тарқалган эди. “Ливерпуль” айни дамда Англия чемпионати турнир жадвалида биринчи ўринни эгаллаб турибди. Етти турда Арне Слот шогирдлари 18 очко жамғарди.
