Hujumkor yarim himoyachi Bukayo Saka Angliya terma jamoasi safida jarohat oldi.
The Times o‘z sahifalarida yozganidek, 23 yoshli futbolchi terma jamoani muddatidan avval tark etib, chuqurlashtirilgan tibbiy ko‘rikdan o‘tish uchun "Arsenal"ga yo‘l oldi.
Eslatib o‘tamiz, Saka Millatlar ligasining Gresiyaga qarshi o‘yinining ikkinchi bo‘limi boshida almashtirilgandi.
O‘sha oqshom britaniyaliklar sensasion tarzda o‘z maydonida 1:2 hisobida mag‘lub bo‘lishdi. Aynan Gresiya terma jamoasi guruh peshqadami hisoblanadi.
Bukayo Sakaning jarohati tufayli "Arsenal"ning bir qancha o‘yinlarini o‘tkazib yuborish xavfi bor.
