Ҳужумкор ярим ҳимоячи Букайо Сака Англия терма жамоаси сафида жароҳат олди.
The Times ўз саҳифаларида ёзганидек, 23 ёшли футболчи терма жамоани муддатидан аввал тарк этиб, чуқурлаштирилган тиббий кўрикдан ўтиш учун "Арсенал"га йўл олди.
Эслатиб ўтамиз, Сака Миллатлар лигасининг Грецияга қарши ўйинининг иккинчи бўлими бошида алмаштирилганди.
Ўша оқшом британияликлар сенсацион тарзда ўз майдонида 1:2 ҳисобида мағлуб бўлишди. Айнан Греция терма жамоаси гуруҳ пешқадами ҳисобланади.
Букайо Саканинг жароҳати туфайли "Арсенал"нинг бир қанча ўйинларини ўтказиб юбориш хавфи бор.
