Chempionlar ligasi umumiy bosqichi 3-turida «Atletiko» sensasion tarzda o‘z maydonida «Lill»ga 1:3 hisobida imkoniyatni boy berdi.

"El Pais" xabariga ko‘ra, Madrid klubi o‘yindan so‘ng UEFAga rasmiy shikoyat yuborgan. «Matraschilar» hakamlikdan, ya’ni hakamning ularga nisbatan penalti belgilaganidan shikoyat qilishdi.

«Atletiko» hozirda Chempionlar ligasi turnir jadvalida 27-o‘rinda bormoqda. Diyego Simeone shogirdlari uch turda (bitta g‘alaba, ikkita mag‘lubiyat) uch ochko olishga muvaffaq bo‘ldi.