O‘tgan haftada «Manchester Siti» Chempionlar ligasida «Sparta»ni mag‘lub etdi (5:0). Fil Foden gollardan biriga mualliflik qildi va o‘yindan so‘ng o‘zini endi yaxshi his qilayotganini aytdi. «Shaharliklar» bosh murabbiyi Pep Gvardiola futbolchi haqida fikr bildirdi.
«Men Foden haqida qayg‘urmayman, chunki u sog‘lom bo‘lsa, ishni uddalashini bilaman. U ajoyib iste’dodga ega, shu tufayli u o‘yinlarni hal qila oladi. Ammo karyerada qiyin paytlar bo‘ladi. Futbolchi ularning sonini cheklashga harakat qilishi kerak. Foden o‘zini yaxshi his qilayotganini eshitganimdan xursandman», - dedi Gvardiola matbuot anjumanida.
