Ўтган ҳафтада «Манчестер Сити» Чемпионлар лигасида «Спарта»ни мағлуб этди (5:0). Фил Фоден голлардан бирига муаллифлик қилди ва ўйиндан сўнг ўзини энди яхши ҳис қилаётганини айтди. «Шаҳарликлар» бош мураббийи Пеп Гвардиола футболчи ҳақида фикр билдирди.
«Мен Фоден ҳақида қайғурмайман, чунки у соғлом бўлса, ишни уддалашини биламан. У ажойиб истеъдодга эга, шу туфайли у ўйинларни ҳал қила олади. Аммо карьерада қийин пайтлар бўлади. Футболчи уларнинг сонини чеклашга ҳаракат қилиши керак. Фоден ўзини яхши ҳис қилаётганини эшитганимдан хурсандман», - деди Гвардиола матбуот анжуманида.
