“Lasio” ustozi Yevropa ligasi o‘yinida irqchilikka qarshi qo‘shiqlar tufayli futbolchini almashtirishga majbur bo‘ldi.
Avvalroq, Italiya klubining 21 yoshli yarim himoyachisi Lum Tshauna "Tvente" bilan safar o‘yinida (2:0) tribunadan "jungli tovushlari" yoki "maymunning qichqirig‘i"ni eslatuvchi hayqiriqlarni eshitgani xabar qilingandi.
"Lasio" bosh murabbiyi Marko Baroni shu sababdan 89-daqiqada futbolchini almashtirishga majbur bo‘lganini tasdiqladi.
“Afsuski, bu Lumga ta’sir qilganini tasdiqlayman. Men bu mavzuni hozir oshkor qilmoqchi emasman.
Biz uni tinchlantirishga harakat qildik, keyin esa almashtirishni amalga oshirdik, chunki futbolchining emosional holati o‘yinni davom ettirishga imkon bermadi. Lekin nima bo‘lganini zahiradagi hakam ko‘rdi.
UEFA tomonidan sanksiyalar bo‘ladimi? Men shunday deb o‘ylayman", - dedi Baroni.
