“Лацио” устози Европа лигаси ўйинида ирқчиликка қарши қўшиқлар туфайли футболчини алмаштиришга мажбур бўлди.
Аввалроқ, Италия клубининг 21 ёшли ярим ҳимоячиси Лум Тшауна "Твенте" билан сафар ўйинида (2:0) трибунадан "жунгли товушлари" ёки "маймуннинг қичқириғи"ни эслатувчи ҳайқириқларни эшитгани хабар қилинганди.
"Лацио" бош мураббийи Марко Барони шу сабабдан 89-дақиқада футболчини алмаштиришга мажбур бўлганини тасдиқлади.
“Афсуски, бу Лумга таъсир қилганини тасдиқлайман. Мен бу мавзуни ҳозир ошкор қилмоқчи эмасман.
Биз уни тинчлантиришга ҳаракат қилдик, кейин эса алмаштиришни амалга оширдик, чунки футболчининг эмоционал ҳолати ўйинни давом эттиришга имкон бермади. Лекин нима бўлганини заҳирадаги ҳакам кўрди.
УEФА томонидан санкциялар бўладими? Мен шундай деб ўйлайман", - деди Барони.
