Angliya terma jamoasining yangi bosh murabbiyi Tomas Tuxel "Manchester Yunayted" hujumchisi Markus Reshford bilan suhbatlashdi.

Ma’lum bo‘lishicha, 27 yoshli Reshford kelasi hafta Millatlar ligasi doirasida Gresiya va Irlandiyaga qarshi o‘yin uchun Angliya terma jamoasiga chaqirilmagan.

Biroq, yangi yildan keyin Angliya terma jamoasida ish boshlagan Tuxel Reshford bilan bog‘lanib, Markusga kelajak rejalarida asosiy rolni berishiga ishontirdi.

Reshford uchun gollar qiyin bo‘lib qolayotgan bo‘lsa-da, Markus bu mavsumda inqirozga uchragan jamoa uchun yettita golli uzatmani amalga oshirdi va Tuxel "Manchester Yunayted" hujumchisiga imkoniyat bermoqchi.

"Tuxel Markus va uning vakillari bilan bog‘lanib, ularga Markusni Angliya jamoasining muhim qismi sifatida ko‘rishini aytdi.

U Reshfordning yo‘qligi Angliyaning Yevro-2024da g‘alaba qozona olmasligida katta rol o‘ynaganiga ishonadi.

"Tuxel Markusning ashaddiy muxlisi. Bu futbolchi uchun katta turtki bo‘ldi va uni o‘zining eng yaxshi formasiga qaytishga harakat qilishga undadi", - deya manbaning so‘zlaridan iqtibos keltirgan The Sun nashri.