Англия терма жамоасининг янги бош мураббийи Томас Тухель "Манчестер Юнайтед" ҳужумчиси Маркус Рэшфорд билан суҳбатлашди.

Маълум бўлишича, 27 ёшли Рэшфорд келаси ҳафта Миллатлар лигаси доирасида Греция ва Ирландияга қарши ўйин учун Англия терма жамоасига чақирилмаган.

Бироқ, янги йилдан кейин Англия терма жамоасида иш бошлаган Тухель Рэшфорд билан боғланиб, Маркусга келажак режаларида асосий ролни беришига ишонтирди.

Рэшфорд учун голлар қийин бўлиб қолаётган бўлса-да, Маркус бу мавсумда инқирозга учраган жамоа учун еттита голли узатмани амалга оширди ва Тухель "Манчестер Юнайтед" ҳужумчисига имконият бермоқчи.

"Тухель Маркус ва унинг вакиллари билан боғланиб, уларга Маркусни Англия жамоасининг муҳим қисми сифатида кўришини айтди.

У Рэшфорднинг йўқлиги Англиянинг Евро-2024да ғалаба қозона олмаслигида катта роль ўйнаганига ишонади.

"Тухель Маркуснинг ашаддий мухлиси. Бу футболчи учун катта туртки бўлди ва уни ўзининг энг яхши формасига қайтишга ҳаракат қилишга ундади", - дея манбанинг сўзларидан иқтибос келтирган The Sun нашри.