Xosep Gvardiola "Manchester Siti"ni "Tottenxem"ga qarshi uy o‘yiniga tayyorlamoqda. Ispaniyalik mutaxassis o‘z jamoasi ketma-ket to‘rtta mag‘lubiyatli seriya bilan o‘yinga yaqinlashayotganiga munosabat bildirdi.
"Bir klubda to‘qqiz yil ishlaganingda har xil ssenariylar, har xil vaziyatlarni boshdan kechirasan. Ketma-ket to‘rtta o‘yinda mag‘lub bo‘lish mumkin, lekin shu bilan birga ketma-ket to‘rtta Premyer-ligada g‘alaba qozonish mumkin. Har bir jamoa ketma-ket to‘rtta o‘yinda mag‘lub bo‘lishi mumkin, ammo faqat bitta jamoa ketma-ket to‘rtta Premyer-ligada g‘alaba qozona oldi. Bu sodir bo‘lgan voqea," - dedi Gvardiola jurnalistlarga.
"Manchester Siti" - "Tottenxem" uchrashuvi 23 noyabr kuni Toshkent vaqti bilan soat 22:30 da boshlanadi.
