Хосеп Гвардиола "Манчестер Сити"ни "Тоттенхэм"га қарши уй ўйинига тайёрламоқда. Испаниялик мутахассис ўз жамоаси кетма-кет тўртта мағлубиятли серия билан ўйинга яқинлашаётганига муносабат билдирди.
"Бир клубда тўққиз йил ишлаганингда ҳар хил сценарийлар, ҳар хил вазиятларни бошдан кечирасан. Кетма-кет тўртта ўйинда мағлуб бўлиш мумкин, лекин шу билан бирга кетма-кет тўртта Премьер-лигада ғалаба қозониш мумкин. Ҳар бир жамоа кетма-кет тўртта ўйинда мағлуб бўлиши мумкин, аммо фақат битта жамоа кетма-кет тўртта Премьер-лигада ғалаба қозона олди. Бу содир бўлган воқеа," - деди Гвардиола журналистларга.
"Манчестер Сити" - "Тоттенхэм" учрашуви 23 ноябрь куни Тошкент вақти билан соат 22:30 да бошланади.
