«Krasnodar» yarim himoyachisi Eduard Spersyan faoliyatini Italiya A Seriyasida davom ettirishi mumkin.

«RB Sport»ning ta’kidlashicha, 25 yoshli futbolchining xizmatlariga «Atalanta» qiziqish bildirmoqda. Manbaga ko‘ra, Spersyan manfaatlarini himoya qiluvchi Rafaela Pimenta allaqachon Italiya klubi bilan uchrashuv o‘tkazgan.

Ma’lum qilinishicha, transfer yaqin qishda bo‘lishi dargumon, chunki «Atalanta» futbolchini uzoqroq kuzatishni istaydi. Xavbek bo‘yicha yakuniy qaror yozda qabul qilinishi mumkin.

Joriy mavsumda u barcha turnirlarda 23 ta o‘yinda qatnashib, 6 ta gol urdi va 3 ta golli uzatmani amalga oshirdi.