«Краснодар» ярим ҳимоячиси Эдуард Сперцян фаолиятини Италия А Сериясида давом эттириши мумкин.

«РБ Спорт»нинг таъкидлашича, 25 ёшли футболчининг хизматларига «Аталанта» қизиқиш билдирмоқда. Манбага кўра, Сперцян манфаатларини ҳимоя қилувчи Рафаэла Пимента аллақачон Италия клуби билан учрашув ўтказган.

Маълум қилинишича, трансфер яқин қишда бўлиши даргумон, чунки «Аталанта» футболчини узоқроқ кузатишни истайди. Хавбек бўйича якуний қарор ёзда қабул қилиниши мумкин.

Жорий мавсумда у барча турнирларда 23 та ўйинда қатнашиб, 6 та гол урди ва 3 та голли узатмани амалга оширди.