Dortmundning "Borussiya" klubi markaziy himoyachi Niko Shlotterbek bilan shartnomani uzaytirish borasida muzokaralarni davom ettirmoqda, deya xabar beradi jurnalist Florian Plettenberg.
Klub uni jamoaning yuzi va bo‘lajak sardorga aylantirmoqchi. Futbolchining amaldagi shartnomasi 2027 yilning 30 iyunida tugaydi.
Shlotterbek "Frayburg"dan 20 million yevro evaziga ko‘chib o‘tganidan so‘ng, 2022 yilning iyulidan beri Dortmundda o‘ynamoqda. Joriy mavsumda u klub safida 18 ta o‘yinda maydonga tushib, 2 ta golli uzatmani amalga oshirdi.
