Madridning «Real» klubi yarim himoyachisi Jud Bellingem yana yuqori darajali o‘yinini namoyish etmoqda.
«Atletik Bilbao»ga qarshi o‘yinda (1:2) angliyalik «Los-Blankos»ning yagona goliga mualliflik qildi. Yarim himoyachi 78-daqiqada hisobni tenglashtirdi, biroq tez orada mezbonlar yana gol urishdi, bunga Karlo Anchelotti jamoasi javob bera olmadi.
Bellingem La Liganing ketma-ket to‘rtinchi uchrashuvida gol urishga muvaffaq bo‘ldi. «Opta» xabariga ko‘ra, futbolchi o‘tgan yilning avgust-sentyabr oylaridan beri birinchi marta bunday seriyani qayd etgan - o‘shanda u Ispaniya chempionatida «Real» safidagi ilk o‘yinlarini o‘tkazgan.
21 yoshli futbolchi hozirda La Liganing 11 uchrashuvida 4 ta gol urdi va 3 ta golli uzatmani amalga oshirdi.
