Мадриднинг «Реал» клуби ярим ҳимоячиси Жуд Беллингем яна юқори даражали ўйинини намойиш этмоқда.

«Атлетик Бильбао»га қарши ўйинда (1:2) англиялик «Лос-Бланкос»нинг ягона голига муаллифлик қилди. Ярим ҳимоячи 78-дақиқада ҳисобни тенглаштирди, бироқ тез орада мезбонлар яна гол уришди, бунга Карло Анчелотти жамоаси жавоб бера олмади.

Беллингем Ла Лиганинг кетма-кет тўртинчи учрашувида гол уришга муваффақ бўлди. «Opta» хабарига кўра, футболчи ўтган йилнинг август-сентябрь ойларидан бери биринчи марта бундай серияни қайд этган - ўшанда у Испания чемпионатида «Реал» сафидаги илк ўйинларини ўтказган.

21 ёшли футболчи ҳозирда Ла Лиганинг 11 учрашувида 4 та гол урди ва 3 та голли узатмани амалга оширди.