Seshanba oqshomida "Bavariya" hujumchisi Tomas Myuller Chempionlar ligasi doirasida "Shaxtyor"ga qarshi o‘yinda yaxshi harakat qildi. Maydonga sardorlik bog‘ichi bilan tushgan Myuller gol urdi va boshqa ko‘plab foydali harakatlarni amalga oshirdi. Hatto bir vaziyatda 35 yoshli futbolchi jamoasini goldan qutqarib qoldi.

Sport Bild nashrining yangi sonida aytilishicha, 2024/2025 yilgi mavsum Myuller uchun "Bavariya" uchun oxirgisi bo‘lishi mumkin. Shu bilan birga, futbolchi va klub shartnoma bilan bog‘liq vaziyat haqida hozircha hech narsa e’lon qilmagan.

Tomas Myuller "Bavariya" safida jami 727 ta o‘yin o‘tkazgan. Ularda forvard 246 gol urgan va sherigiga 271 golli uzatma bergan.