"Yuventus" hujumchisi Dushan Vlaxovich "Fiorentina"ni qanday tark etib, Turinga ko‘chib o‘tganini esladi.
"Keksa sinyora" serbiyalik futbolchini 2022 yilning yanvarida "binafshalar"dan sotib olgan va transfer uchun 80 million yevrodan ko‘proq pul to‘lagandi.
O‘shandan beri forvard "byankonerilar" safida turli darajadagi muvaffaqiyatlarga erishdi.
“Hayotda ba’zida muhim tanlov qilish kerak bo‘ladi. “Yuventus”ga o‘tish haqidagi qarorim to‘g‘ri bo‘ldi deb o‘ylayman.
Bunday klubda o‘ynash mening orzum edi va men hozir shu yerda ekanligimdan juda xursandman", - dedi 24 yoshli futbolchi.
