"Ювентус" ҳужумчиси Душан Влахович "Фиорентина"ни қандай тарк этиб, Туринга кўчиб ўтганини эслади.
"Кекса синёра" сербиялик футболчини 2022 йилнинг январида "бинафшалар"дан сотиб олган ва трансфер учун 80 миллион евродан кўпроқ пул тўлаганди.
Ўшандан бери форвард "бьянконерилар" сафида турли даражадаги муваффақиятларга эришди.
“Ҳаётда баъзида муҳим танлов қилиш керак бўлади. “Ювентус”га ўтиш ҳақидаги қарорим тўғри бўлди деб ўйлайман.
Бундай клубда ўйнаш менинг орзум эди ва мен ҳозир шу ерда эканлигимдан жуда хурсандман", - деди 24 ёшли футболчи.
