Italiya futbolida o‘n oltinchi tur o‘yinlari bo‘lib o‘tmoqda, “Milan” o‘z maydonida “Jenoa”ni qabul qildi, ammo genuyaliklarning darvozasini ishg‘ol qila olmadi – o‘yin golsiz durang bilan yakunlandi, shundan so‘ng tomoshabinlar “Milan”ning o‘yinidan norozi bo‘lib, hatto hushtakbozlik qilishdi.
Shunga qaramay, klubning portugaliyalik ustozi Paulu Fonseka o‘yinni yaxshi deb baholadi: - O‘ylaymanki, biz yaxshi o‘yin o‘tkazdik.
Biz ko‘p vaziyatlar yaratdik, g‘alaba qozonish istagi bor edi, faqat gollar yetishmadi.
Qayerdadir so‘nggi pasning sifati yetishmayotgan edi, lekin menga kayfiyat va masalaga munosabat yoqdi.
Biz darvozaga 22 marta zarba berdik", - deya Fonsekaning so‘zlarini keltiradi pianetamilan.it.
