Италия футболида ўн олтинчи тур ўйинлари бўлиб ўтмоқда, “Милан” ўз майдонида “Женоа”ни қабул қилди, аммо генуяликларнинг дарвозасини ишғол қила олмади – ўйин голсиз дуранг билан якунланди, шундан сўнг томошабинлар “Милан”нинг ўйинидан норози бўлиб, ҳатто ҳуштакбозлик қилишди.

Шунга қарамай, клубнинг португалиялик устози Паулу Фонсека ўйинни яхши деб баҳолади: - Ўйлайманки, биз яхши ўйин ўтказдик.

Биз кўп вазиятлар яратдик, ғалаба қозониш истаги бор эди, фақат голлар етишмади.

Қаердадир сўнгги паснинг сифати етишмаётган эди, лекин менга кайфият ва масалага муносабат ёқди.

Биз дарвозага 22 марта зарба бердик", - дея Фонсеканинг сўзларини келтиради pianetamilan.it.