Qanot hujumchisi Muhammad Saloh "Liverpul" bilan yangi shartnoma imzolashga yaqin turibdi, deb xabar beradi «Football Insider».

Manbaga ko‘ra, Saloh yangi ikki yillik shartnomaga rozi bo‘lgan bo‘lishi mumkin, biroq imidj huquqlari hal etilmagani uchun hali to‘liq paket bo‘yicha kelishuvga erishilmagan.

Muhammadning amaldagi shartnomasi yozda tugaydi.

Eslatib o‘tamiz, Saloh 1 yanvardan boshlab boshqa klublar bilan ham rasmiy muzokaralar olib borishi mumkin.

32 yoshli misrlik ushbu mavsumda 26 ta o‘yinda maydonga tushib, 20 ta gol urdi va 17 ta golli uzatmani amalga oshirdi.