"PSJ" markaziy himoyachisi Milan Shkrinyar Angliya Premyer-ligasiga ko‘chib o‘tishi mumkin.
Ko‘p marotaba xabar qilinganidek, Liga 1 giganti slovakiyalik bilan yanvarda xayrlashishga tayyor, chunki bosh murabbiy Luis Enrike uni rejalariga kiritmagan. Daily Mail xabariga ko‘ra, Shkrinyarning xizmatlari "Aston Villa"ga taklif qilingan. Birmingem klubi Pau Torresning jarohati munosabati bilan himoya markazini kuchaytirish imkoniyatini ko‘rib chiqmoqda - ispaniyalik futbolchi ikki oyga safdan chiqdi.
Milan Shkrinyarning narxi Transfermarkt ekspertlari hisobiga ko‘ra, 15 million yevro. "Inter"ning sobiq futbolchisi fevral oyida 30 yoshga to‘ladi.
