"ПСЖ" марказий ҳимоячиси Милан Шкриньяр Англия Премьер-лигасига кўчиб ўтиши мумкин.
Кўп маротаба хабар қилинганидек, Лига 1 гиганти словакиялик билан январда хайрлашишга тайёр, чунки бош мураббий Луис Энрике уни режаларига киритмаган. Daily Mail хабарига кўра, Шкриньярнинг хизматлари "Астон Вилла"га таклиф қилинган. Бирмингем клуби Пау Торреснинг жароҳати муносабати билан ҳимоя марказини кучайтириш имкониятини кўриб чиқмоқда - испаниялик футболчи икки ойга сафдан чиқди.
Милан Шкриньярнинг нархи Transfermarkt экспертлари ҳисобига кўра, 15 миллион евро. "Интер"нинг собиқ футболчиси февраль ойида 30 ёшга тўлади.
