"Manchester Yunayted" bosh murabbiyi Ruben Amorim o‘z faoliyati haqida fikr bildirdi. Portugaliyalikning fikricha, u hozir hech qanday bosimni his qilmayapti.
"Albatta, ishingizda klub tomonidan bosim sezilishi mumkin. Men buni hozircha his qilmayapman. So‘nggi yillarda chempionlikni qo‘lga kirita olmadik. Ilgari bir mavsumda chempionlik bo‘lmasa, keyingi mavsumda g‘alaba qozonish kerak edi. Men bu bosimni his qilmayapman.
Biz bu bosimni o‘z zimmamizga olishimiz kerak, chunki bizda ajoyib muxlislar bor. Men bosimni his qilmayapman – faqat g‘alaba qozonishni xohlayman. Kelajakda bosimni his qilish uchun biz o‘yinlarda va unvonlarda g‘alaba qozonishimiz kerak", dedi Amorim matbuot anjumanida.
