"Manchester Siti" bosh murabbiyi Xosep Gvardiola Erling Xoland bilan yangi kelishuv tuzilgani haqida fikr bildirdi.
"U bu yerda o‘zini yaxshi his qilmoqda, klub va uni o‘rab turgan odamlarni, shuningdek, Angliya Premyer-Ligasini yaxshi ko‘radi. Erling xotini va otasi bilan bu yerda yashashni yoqtiradi. Kelgusi o‘n yil ichida bundan yaxshiroq joyni topish qiyin. Shuning uchun u va uning oilasi qolishga qaror qildi.
Xoland o‘ziga xos o‘yinchi, bunday futbolchini topish juda qiyin. Agar sizda bunday o‘yinchi bor bo‘lsa, nega uni ushlab turmaslik kerak? Agar u hozirgi ko‘rsatkichlarini davom ettirsa, barcha rekordlarni yangilashi mumkin. Bu uning o‘zi va jamoaga bog‘liq bo‘ladi.
Futbolchi bunday ko‘rinishdagi misli ko‘rilmagan shartnomani imzolashga qaror qilganida, bu uning bu yerda qolishni qanchalik xohlashini ko‘rsatadi. Bu klubga bo‘lgan ishonchning isbotidir", – dedi Gvardiola.













