Gabriel Veyga Saudiya Arabistoni ligasi haqida ijobiy fikr bildirdi.
"Odamlar bunga ishonishi qiyin bo‘lsa-da, Saudiya Arabistoni ligasida o‘yinchi sifatida rivojlanish, jismoniy jihatdan takomillashish mumkin. Ronaldu aytganidek, bu yerda o‘ynash juda og‘ir, yetti oy davomida juda issiq bo‘ladi va bu qiyinchilik tug‘diradi.
Liga darajasi sezilarli darajada ko‘tarildi. Albatta, La Liga ancha yuqori darajada, buni inkor etib bo‘lmaydi, lekin o‘yin shiddati, sur’ati va hatto yuqori harorat bo‘yicha ular teng.
Ehtimol, ba’zi jamoalarda ozgina texnik mahorat yetishmayotgandir, ammo "Al-Ahli" - "Al-Hilol" o‘yini yaxshi darajadagi futbolga teng kelishi mumkin," - dedi "Al-Ahli"ning 22 yoshli ispaniyalik yarim himoyachisi.
