"Vulverxempton" himoyachisi Rayan Ait-Nuri Angliya Premyer-ligasining top-klublaridan biri e’tiborini tortdi. Bu haqda The Independent jurnalistlari xabar bermoqda.
Manbaning xabariga ko‘ra, 23 yoshli himoyachining transferiga "Manchester Yunayted" qiziqish bildirmoqda. "Manchester Yunayted" bosh murabbiyi Ruben Amorim yanvar oyidagi transfer oynasida ushbu pozisiyani mustahkamlashni maqsad qilgan. Ait-Nurining bozor qiymati 35 million yevroga teng. Uning "bo‘rilar" bilan shartnomasi 2026 yilning o‘rtalariga qadar tuzilgan.
Joriy mavsumda himoyachi 22 ta o‘yin o‘tkazib, 4 ta gol urdi va 5 ta golli uzatmani amalga oshirdi.
